Putru Saji Nyekah

PUTRU SAJI NYEKAH bisa dibawakan oleh siapa saja, baik walaka, pemangku maupun sulinggih. Huruf kapital (besar) bahasa Kawi dan huruf normal artinya.

1. OM AWIGNAM ASTU, Ratu Sanghyang Widhi dumadak titiang tan keni cakra bawa.

2. NIHAN PAWARAN SANG PANDITA, asapunika pawarah sang meraga nabe

3. SANG MALAWAS TUHA TUHA, sane saking riin sampun kabawos lingsir.

4. PRINCIANIA SARWA SAJI, ngenining pidabdab ayaban sarwa nyekah.

5. PAWARAH SANG ADI GURU, manut sekadi pangandikan Ida Bethara Siwa.

6. LEPAS NIA SAKING PAPA, sida luput ring sane kebawos mala petaka.

7. RUMATNING DASA MALA, sane presida ngeruwat sarwa letehe maka sami

8. SANG MAURIP, sang nangun yadnya.

9. KUMINGKINA, NIHAN REH NIA, patut makinkin, asapunika pidabdab ipun.

10. MAWEH BUBUR SUSURU, yening ngaturang bubur susuru

11. NGUNI KOTAMANING DADI, saking riin kautamaan anake nyerowadi.

12. NASI WARNA MAWAK DHARMA, yening ngaturang nasi mawarna pawehan sanghyang dharma.

13. NASI BANG SUBAGIA RING RAT, yening ngaturang nasi barak ngawinang kasub ring jagate.

14. NASI KUNING WERDI PUTRA PALANIA, yening ngaturang nasi kuning ngelimbakang putra utama pikolih nyane.

15. NASI IRENG WERDI IKANG MAS, yening ngaturang nasi selem ngelimbakang raja berana pikolih nyane.

16. MAWUWUH SUPUTRA MUWANG DANA, maweweh antuk putra utama tur seneng mapedana-dana.

17. SARWA WIJA, WERDHI AYU, ngaturang sarwa buah-buahan saha umbi-umbian ngawetuang kerahayuan.

18.YETIKA, HENEK, AKNANTA, LEKAS AKENE, AYUWA SUWE, punika awinannya,  petitisang pisan, digelis margiang, sampunang ngantos suwe.

19. PEMANGUN KARYA AYU, mekardi karya sane utama.

20. NDAK WARAH KITA REH NING SAJI, nah mangkin pirengang I Dewa ngeninin pidabdab ayaban maka sami.

21. PRINGGIN NIA RENGE DENTA, pidabdab ipun pirengang I Dewa mangda becik.

22. WAK SEGARA, KAPKAPAN, SALEH PAWEHNIA SUKA, yening ngaturang ulam kedis sikep, a bulan punika ngawinang bagia.

23.KUNANG PWA YAN MANUK MELIWIS, IJO HWAN, PWANTEN, KADIWA, KALILINGAN, SATO WANA, WURU-WURU, TITIRAN MWANG PUTEH, RONG LEK PAWEHNIA SUKA, sakewanten yen ulam ayam, kedis meliwis, ijo hwam, pwanten, kadiwa, kalilingan, siap alas, wuru-wuru, titiran, kaping kalih puteh, wantah kalih bulan polih karahayuan.

24. YAN BURUAN KIDANG, MANJANGAN, KANCIL, TIGANG LEK PAWEHNIA SUKA, yening ngaturang ben kidang, manjangan, kancil wantah tigang bulan manggih bagia.

25. YEN KEBO CEMENG MANGIDIK PETANG LEK PAWEHNIA SUKA, yening ngaturang ben kebo cemeng abedik, petang bulan mamanggih bagia.

26. YEN EMPEHAN, DEDES IWAK NIA, SEPULUH LEK PAWEH NIA SUKA, yening ngaturang empehan, minyak nyane, dasa bulan ngemanggihin bagian.

27.KUNANG PWA YEN WARAK, DAGING NIA, KULIT NIA, RAH NIA, SALA-WASNIA SIDADI AMANGGIH SWARGA, yening ngaturang ulam badak, daging nyane, kulit nyane, getihnyane, sasuwen nyane sang inupakara  ngemanggihin suwarga.

28.NGUNI NGUNI YAN TAWULAN NIA, UNTUN NIA ASAH RING SILA CENDANI, napi malih yening padewekan nyane, gigin nyane preti sentanane sangih antuk batu lempeh.

29. RANOK KLAWAN SAI, MWANG SIDA SUKA SIDA KITA RING SWARGA, matunggilan ipun sareng ayaban, malih ipun sida ngemanggihin bagia, sida I Dewa ring swarga.

30. MATANGIAN, PRIHAKENA RAKWAN, SWARGA KINARYA AYU, punika awinan nyane, buwatang pisan punika I Dewa, swargane pacang ngawinang preti sentanane polih rahayu.

OM SIDA ASTU YA NAMAH SWAHA, dumadak sidi pinunas tiang

 OM SANTI, SANTt, SANTI, OM